Vorm schwarze Mann

Wer het Angscht?

Mail

Wir benötigen Ihre Zustimmung um BotTalk anzuzeigen

Unter Umständen sammelt BotTalk personenbezogene Daten für eigene Zwecke und verarbeitet diese in einem Land mit nach EU-Standards nicht ausreichenden Datenschutzniveau.

Durch Klick auf "Akzeptieren" geben Sie Ihre Einwilligung für die Datenübermittlung, die Sie jederzeit über Cookie-Einstellungen widerrufen können.

Akzeptieren
Mehr Informationen
| Foto: BZ-Grafik
Foto: BZ-Grafik
Wu mr noch klein gsi sin, hen d Großi uns als gern Angscht gmacht. Mim schwarze Mann oder em Naachtkrab. Mit de Zit he-mr awer glehrt, ass mr villicht besser nit alles glaubt, sundern noochdenkt, was andri Lit eime do welle ufbinde. Mr kaan awer de Lit allewil noch Angscht mache. Grad jetz zum Bischpil, un nit bloß uf de Fasent. E manichi Larv mit em Häs kaan eime schu Angscht iijage – e paar Sekunde lang. Nor het mr sich wider gfange, wil mr jo weißt, s isch numme Spass un nit bees gmeint. Awer werum merike d Lit nor nit, ass es au Rattefänger git, wu de Lit mit allem Meegliche Angscht mache; ass es ganz schlimm wurd, wenn si nit des mache, was de Rattefänger vunene will? In Amerika zum Bischpil hen si einer gwählt, wu ne s Blaue vum Himmel vesproche het. Bim erschte Mol isch es sin Muer gege d Mexikaner gsi, wu-n-er het welle boue. Si isch aacht Johr später allewil no nit fertig. Un des het sich au jeder kinne denke, vor allem wil d Mexikaner si au noch hen solle zahle. Dismol will er d Muer nonit boue, awer alli Usländer, wu illegal im Land sin, nuswerfe. Wer s glaubt, wurd selig. Ha, die Usländer, wu nienes gmeldet sin, mueß er jo erscht emol finde. Villicht uf de Felder, wu si fir e Hungerluhn fir d richi Amerikaner schaffe? Un was isch, wenn er alli Illegali abgschowe het? Wer macht nor dene Riche d Drecksärwet? Denke er un sini Wähler nit eso wit? Awer e Sindebock sueche, wu sich nit kaan wehre, do sin si schnell bi de Hand. S isch halt bequem dert mit denke ufzheere, wu s afangt weh z tue. Un die, wu d Bibel läse, kenne des jo schu, die Idee mim Sindebock isch jo uralt. Jo, mr hen grad verruckti un närrischi Zite. Un villicht will des e manicher jo au: Fasent, s ganz Johr lang. Alli Reegle, wu normal gelte, usser Kraft setze, un jeder kaan mache, was er will. Mol luege, was debi ruskunnt.
Schlagworte: Riche d Drecksärwet, un sini, alli Illegali abgschowe
Zeitungsartikel herunterladen Fehler melden

Weitere Artikel