Fasanegold
S hät alles zwei Siite
Wir benötigen Ihre Zustimmung um BotTalk anzuzeigen
Unter Umständen sammelt BotTalk personenbezogene Daten für eigene Zwecke und verarbeitet diese in einem Land mit nach EU-Standards nicht ausreichenden Datenschutzniveau.
Durch Klick auf "Akzeptieren" geben Sie Ihre Einwilligung für die Datenübermittlung, die Sie jederzeit über Cookie-Einstellungen widerrufen können.
AkzeptierenMehr Informationen
Fasziniert si mer gsi vo de Eleganz vo de IC-Züg. Bi de rattrige Güeterzüg hä mer amig d Wäge zellt. Bi virzig isch zmeischt Schluss gsi. Wunderfitzig un abenteuerluschtig si mer in de churzi Tunnel untrem Chlotze dure un hän is in d Fluchtnische druckt, ass jo ke Lokiführer si Hupsirene ablosst wegen uns. Do wäri de Vatter gwiiß glii us em Huus uuse gsaust go luege, was siini Früchtli wider bosget hän.
No me Rüngli si mer änen am Tunnel uuse. Do isch e Fasanehahn gläge, wohl von re Loki verwütscht. Ganz läbig hät er usgseh, so schön mit siine goldbruun gschprenklete Fägge, sim blaugrien schillrige Hals un em wiiße Band drumumme un mit de lange bändrete Schwanzfedere hintedra. Un wo mi Brueder ihn, eifach eso, mit sim Fueß ummedrüllt, do luegt is uf eimool e bruungääle offene Liib aa, gruddlig voll mit rägewurmdicke Made, wo umenadgrimsle tüen. Alles hät zwei Site.
